MEGA Ministère fir Gläichstellung an Diversitéit

De Ministère fir Gläichstellung an Diversitéit setzt sech onermiddlech fir eng gerecht an inklusiv Gesellschaft an, an där all Mënsch – onofhängeg vu sengem Geschlecht, senger Geschlechtsidentitéit, senger sexueller Orientéierung oder sengen Geschlechtsmierkmaler – déiselwecht Chancen a Rechter huet. Duerch d’Ëmsetzung vun innovative Moossnamen an duerch d’Zesummenaarbecht mat verschiddenen Acteuren an Acteurinnen aus der Gesellschaft wëll de Ministère Diskriminatioune besäitegen an eng gerecht Vertriedung an alle Beräicher vum ëffentlechen a private Liewe garantéieren. Seng Missioun ass et, en Ëmfeld ze schafen, an deem d’Gläichstellung net nëmmen e Grondprinzip ass, mee och deeglech Realitéit fir all Bierger a Biergerinnen.

De Ministère engagéiert sech doriwwer eraus fir d’Sensibiliséierung vun der Ëffentlechkeet zu de Froe vun Diskriminatioun an Diversitéit. Mat Kommunikatiounskampagnen, Bildungsprogrammer a gemeinschaftlechen Initiativen setzt de Ministère sech dofir an, Mentalitéiten z’änneren an de géigesäitege Respekt ze fërderen. Hie schafft enk mat der Zivilgesellschaft, mat Schoulen an anere Bildungsariichtungen an mat Entreprisen zesummen, fir inklusiv Praktiken z’entwéckelen an e harmonescht gesellschaftlecht Klima ze fërderen. Mat senge Moossnamen strieft de Ministère eng Gesellschaft un, an där sech all Mënsch wäertgeschat a respektéiert fillt, an dréit esou zu enger gerechterer a solidarescher Zukunft fir jiddereen bäi.