Stay Cool! E Guide fir de geloossenen Ëmgaang mat (queere) Neiegkeeten an Debatten

An enger Welt voller räisserescher Schlagzeilen, Feelinformatiounen a Fake News si mir oft mat Onsécherheet a Frustratioun konfrontéiert. Et ass net ëmmer einfach, e klore Bléck ze behalen, besonnesch bei Themen, déi eis friem a schwéier novollzéibar erschéngen. Dëst ass de perfekten Nährbuedem fir Haass an Ofleenung. Dem soll dëse Workshop entgéintwierken. D’Matmaacher_innen tauchen an zentral Debatten iwwer an ënnerhalb vun der LGBTIQ+ Communautéit zu Lëtzebuerg an am Ausland an. Duerch Diskussiounen a praktesch Übungen, déi dozou ureegen, eng Villzuel vu Perspektiven ze berücksichtegen, kënne Si hier analytesch a kritesch Denkfäegkeete stäerken. Ziel vum Workshop ass et an engem Kreeslaf u Norichten an ëffentlechen Debatten, den ëmmer méi séier gëtt, Empathie a Reflexioun ze fërderen.

Inhalt:
– Queerness entschlësselen: Wat? Wien? Wisou (net)?
– Ablécker an Tipps fir de respektvolle Sproochgebrauch bei der Ausernanersetzung mat LGBTIQ+ Themen
– Eng Aleedung an aktuell gesellschaftlech Entwécklungen an d’Anti-Gender-Beweegung
– D’Roll vu Fake News a Falschinformatiounen
– Aktivitéit: Eng Debatt op der Grondlag vun auserwielte Quelle fir kritescht Denken a Reflexioun iwwer déi verschidden Aflëss op eis Perspektiven a Meenungen ze fërderen.

Pädagogesch Ziler:
– Wëssen iwwer wichteg LGBTIQ+ Debatte vermëttelen
– D’Mediekompetenz a kritescht Denke fërderen
– D’Selbstreflexiounskompetenz fërderen
– D’respektvoll an informéiert Participatioun un ëffentlechen Debatten encouragéieren
– D’Demokratiekompetenz fërderen