Geschlechtlech a Sexuell Villfalt: Eng Aleedung

De Workshop bitt eng allgemeng Aleedung an d’Thema geschlechtlech a sexuell Villfalt. An 2 Stonne gi Basiswëssen a Kompetenzen zu LGBTIQ+ Themen vermëttelt. Heibäi stinn d’Kenneléieren a Verstoe vu wichtege Begrëffer a Konzepter, souwéi d’Fërdere vu Solidaritéit an Empathie am Fokus. Unhand vun interaktiven Übungen encouragéiere mir d’Schüler_innen, hier Perspektiven ze deelen a sech op de gemeinsamen Austausch anzeloossen.

Inhalt:
– Aktivitéit: “Positionéierungsspill” fir de Wëssensstand an d’Perspektive vun de Schüler_innen ze erfaassen a respektvoll Diskussiounen iwwer auserwielte queer Themen unzereegen
– Aleedung an d’Geschlechtervillfalt
– Aleedung an d’Thema sexuell Orientéierung
– Binaritéit a strikt Kategoriséierungen a Fro stellen
– Aktivitéit: Zesumme Strategien ausschaffe fir queer Persounen ze ënnerstëtzen a queerfrëndlech Situatiounen ze schafen

Pädagogesch Ziler:
– Iwwer d’Liewensrealitéiten, d’Bedürfnisser an d’Erausfuerderunge vun LGBTIQ+ Persounen informéieren
– Sensibiliséieren a Denkustéiss bidde fir Oppenheet an Empathie ze fërderen
– Virurteeler a Stereotyppen entgéintwierken
– E solidaresche Gruppen-, Klassen-, a Schoulklima fërderen