Entdeckt d’Europäesch Unioun – Jugend an Europa: Loosst eis d’Zukunft zesummen gestalten

Wëllt Dir d’Europäesch Unioun aus enger anerer Perspektiv entdecken? D’Europäesch Kommissioun bitt eng interaktiv 90-Minutten-Sessioun un, déi speziell fir Schüler a Schülerinnen aus de Secondaireschoulen entwéckelt gouf.

D’Sessioun fänkt mat enger Presentatioun vum Chef vun der Representatioun vun der Europäescher Kommissioun zu Lëtzebuerg un. Dobäi geet et ëm d’Roll vun der Europäescher Unioun an hir Prioritéiten, mat engem besonnesche Fokus op jonk Leit.

No dëser Aféierung iwwerhuelen d’Schüler an d’Schülerinnen eng aktiv Roll an der Sessioun. Si kënnen hiert Wëssen testen, inspiréierend Erfarungsberichter lauschteren, un engem interaktive Quiz deelhuelen, iwwer déi Themen diskutéieren, déi si am meeschten interesséieren, an hir Meenungen austauschen.

An klenge Gruppen entdecken si duerno wichteg EU-Programmer fir jonk Leit, wéi Erasmus+ an DiscoverEU, a léiere méi iwwer d’Méiglechkeeten, déi dës Initiativen hinnen ubidden.

D’Sessioun schléisst mat enger Aktivitéit zum Austausch tëscht de Schüler a Schülerinnen of. All Grupp presentéiert seng Erkenntnisser an engem kuerze Pitch an erkläert de Klassekomeroden, wéi eng Méiglechkeeten si entdeckt hunn.

Dëse partizipativen Usaz soll jonk Leit aktiv abannen, hir Virwëtz stimuléieren an si dozou encouragéieren, déi villfälteg Méiglechkeeten ze entdecken, déi Europa hinnen fir hir Zukunft bitt.