Denkt drun, datt et sech bei dësem Theema fir Kanner a Jonker an Ärer Klass oder an Ärem Grupp ëm sensibele Contenu kann handelen.
Renseignéiert Iech wgl., wéi eng Schutzmoossnamen an Opfangstrukturen et gëtt.
Datt d’Ressourcenverwaltung fir eis all vun zentraler Bedeitung ass, weist sech a verschiddene Kontexter an eiser Gesellschaft. Dëst betrëfft souwuel d’Ökosystemer wéi och d’Geschäfter. Ecopoly mécht d’Gestioun vu knappe Ressourcë konkret a fëllt dat abstrakt Konzept vun der ‘Nohaltegkeet’ mat konkreten Erfarungen. Dëst erméiglecht eng Diskussiounen iwwert Wäerter.
Ëmsetzung:
D’Ecos bewunnen e puer Planéiten an engem Sonnesystem. Dës Planéite kreesen ëm e Mammeplanéit, deen se mat Ökopozon versuergt, engem Gas, deen essentiell fir hiert Iwwerliewen ass. Dëst Gas gëtt um Mammeplanéit produzéiert. Eemol am Mount fléien d’Frachtschëffer vun de Planéiten op de Mammeplanéit a sammelen den Ökopozon, deen sech selwer regeneréiert. All Planéit beméit sech, seng Versuergung mat Ökopozon ze maximiséieren. Dëst schaaft awer de Risiko, datt verschiddene Planéiten ze vill vum Kuch fir sech huelen, mat der Konsequenz vun hirem Ënnergang… An dat ass e Wake-up Call!
