1 Hëllef am C4 / Initiatioun

Dëse Cours vermëttelt de Kanner op eng altersgerecht, spilleresch a praktesch Aart a Weis déi wichtegst Grondlage vun der Éischter Hëllef. D’Participanten léieren ënner anerem, wéi si sech an enger Noutsituatioun richteg verhalen, Hëllef organiséieren, den Noutdéngscht alarméieren an einfach Éischt-Hëllef-Moossnamen uwenden.

Duerch praktesch Übungen, realistesch Beispiller an interaktiv Aktivitéiten entwéckelen d’Kanner Vertrauen an hir eege Fäegkeeten a léieren, Verantwortung fir sech selwer an aner Mënschen ze iwwerhuelen.

Pädagogesch Ziler

D’Zil vum Cours ass et, de Kanner d’Angscht virun Noutsituatiounen ze huelen an hinnen d’Sécherheet ze ginn, richteg ze handelen, wann eppes geschitt. Kanner kënnen am Alldag ëmmer erëm mat Accidenter oder medezineschen Noutfäll konfrontéiert ginn – an der Schoul, doheem, am Veräin oder am Fräizäitberäich.

Duerch d’Vermëttlung vun einfache Kenntnisser an Handlungsstrategien léieren si, Geforen ze erkennen, Hëllef ze ruffen an am Kader vun hire Méiglechkeeten aktiv ze hëllefen. Gläichzäiteg ginn Eegenschafte wéi Verantwortungsbewosstsinn, Solidaritéit, Zivilcourage an Teamgeescht gefërdert.

De Cours dréit dozou bäi, datt d’Kanner sech als kompetent an hëllefsbereet Memberen vun eiser Gesellschaft erliewen an am Noutfall net nëmmen Zeie bleiwen, mee wëssen, wéi si effektiv Hëllef leeschte kënnen.