Gesondheet,
Wuelbefannen
& Präventioun

D’Beweegung spillt eng wichteg Roll fir d’Gesondheet vu Kanner a Jugendlechen. Si hält de Kierper fit, stäerkt Muskelen, Schanken an d’Immunsystem a gëtt méi Energie. Doduerch hëlleft si, Krankheeten ze vermeiden an d’allgemengt Wuelbefannen ze verbesseren.

Ausserdeem verbessert Beweegung d’Konzentratioun an d’Leeschtung an der Schoul. Si baut Stress of, verbessert d’Stëmmung a mécht ee méi entspaant. Beim Sport a beim Spillen entwéckelen d’Kanner och wichteg sozial Fäegkeeten, wéi Zesummenaarbecht a Respekt.

Dofir ass reegelméisseg Beweegung e wichtegen Deel vun engem gesonde Liewensstil.

D’Fërderung vun der Gesondheet, dem Wuelbefannen an der Präventioun ass eng zentral Basis fir de schouleschen Erfolleg an d’perséinlech Entwécklung vun de Schüler.

Dës Säit bitt Enseignanten an Erzéier eng Auswiel un Evenementer, Léiermaterialien a Projeten zu Themen wéi kierperlech a mental Gesondheet, Wuelbefannen, Resilienz, Präventioun, Sécherheet an emotionaler a sexueller Erzéiung.

Eng ganzheetlech Approche bitt déi bescht Konditiounen, fir dass d’Schüler hiert individuellt Potenzial realiséiere kënnen.

Hei sinn all d’Neiegkeeten zum Themeberäich fir ëmmer um neiste Stand ze sinn:

• Beweegung a Sport
• Mentaalt Wuelbefannen
• Gesond Iessen
• Sécherheet a Präventioun
• Affektiv a sexuell Erzéiung