DIY Pico Synth

DIY Pico Synth ass e Museksworkshop, an deem d’Participanten d’Méiglechkeet hunn, e Synthesizer, deen speziell fir dëse Workshop entwéckelt gouf, zesummenzestellen, deen si duerno kënne benotzen, fir Musek ze maachen.

D’Participanten léieren d’Grondlagen vun der Programméierung an der digitaler Tounproduktioun a kréien en Abléck, wéi elektronesch Komponenten funktionéieren (wat eng Schaltplack, e Potentiometer an e Mikrocontroller sinn, an wéi e Knäppchen funktionéiert). Am leschte Deel léieren si, wéi een Tounen a digital Musek kreéiert.

D’Participanten kënnen hiren Synthesizer duerno heem huelen, fir hir musikalesch Exploratiounen weiderzeféieren.

En eenzegaartegen Workshop, entworf fir all Altersgruppen ab 9 Joer.

DIY Pico Synth

D’Participanten kënnen hiren Synthesizer duerno heem huelen, fir hir musikalesch Exploratiounen weiderzeféieren.

En eenzegaartegen Workshop, entworf fir all Altersgruppen ab 9 Joer.

Zeechne mat der Sonn – Cyanotypie-Workshop

D’Schülerinnen a Schüler entdecken, wéi si mat der Cyanotypie-Technik en originellt, monochromt blot Konschtwierk schafe kënnen, just mathëllef vum Sonneliicht oder UV-Luuchten. Et handelt sech hei ëm e Fotogramm (also eng Foto, déi ouni Kamera gemaach gëtt), deen duerch de Schiet vun engem Objet op liichtempfindlechem Pabeier entsteet. D’Participanten experimentéiere mat verschiddene Kompositiounen an huelen hir eege Wierker mat heem.

Portraitsfotoen an alle Formen

E kënstlereschte Portrait ass vill méi wéi nëmmen eng Passfoto: En erzielt eng Geschicht. Dësen Atelier iwwer Portraitsfotoe wëll d’Schüler.innen am Prozess vun der Kreatioun vun hirem eegene Portrait begleeden: Kompositioun, Opstellung, Beliichtung, Perspektiv vu vir, vun hannen, am stoen oder am sëtzen, am Studio oder an enger natierlecher Ëmwelt… D’Schüler.innen léieren all d’Geheimnisser, fir e fotografesche Portrait, dee si wierklech duerstellt, ze realiséieren.

Den Zauber vun der Dunkelkammer

Am Fotoslabo vum CNA entdecken d’Schüler.innen d’Magie vun der Dunkelkammer an d’Urspréng vun der Fotografie, andeems si Photogrammer erstellen. E Photogramm ass eng Foto ouni Kamera, bei där de Schiet vun engem Géigestand op liichtempfindlechem Pabeier ofgedréckt gëtt. D’Schüler.inne spille mat der Luucht, mat de Silhouetten an der Transparenz vun de Géigestänn, fir op eng spilleresch Manéier d’Basis vun der Fotografie ze entdecken. Si experimentéieren duerch déi verschidde Phase vum Prozess a ginn nom Atelier mat hire Kreatiounen heem.