Mir produzéieren an engem Dag ee Videoclip mat denger Klass. Op Basis vun engem Text an engem gewielten Thema, produzéiere mir ee Lidd oder wielen ee bestoend Lidd dat mir benotzen dierfen. Mir sangen a maachen eng Tounopnam vum Lidd déi och gefilmt gëtt. Zousätzlech iwwerleeë mir eis flott Zousazbiller, déi bei d’Geschicht a bei d’Thema passen,
a schauspille virun der Kamera. Dat Ganzt gëtt als flotten an eenzegaartege Videoclip zesummegeschnidden.
Music Video Day – deng Klass, däi Videoclip!
Mir produzéieren an engem Dag ee Videoclip mat denger Klass. Op Basis vun engem Text an engem gewielten Thema, produzéiere mir ee Lidd oder wielen ee bestoend Lidd dat mir benotzen dierfen. Mir sangen a maachen eng Tounopnam vum Lidd déi och gefilmt gëtt. Zousätzlech iwwerleeë mir eis flott Zousazbiller, déi bei d’Geschicht a bei d’Thema passen,
a schauspille virun der Kamera. Dat Ganzt gëtt als flotten an eenzegaartege Videoclip zesummegeschnidden.
Âge / Cycle: Éveil à l’esthétique, à la création et à la culture, les arts et la musique
Am Bësch aktiv – Kreativitéit an der Natur
De Bësch ass net nëmmen e Raum fir Beweegung an Entdeckung, mee och eng grouss Inspiratiounsquell fir kreativ Prozesser. Mat Blieder, Äscht, Steng, Schuel, Buedem an anere Naturmaterialie gestalten d’Kanner eege Wierker, bauen, experimentéieren a setzen hir Iddien direkt an der Natur ëm.
Dobäi steet net dat „perfekt Resultat“ am Mëttelpunkt, mee de kreative Prozess: observéieren, ausprobéieren, veränneren an nei Léisunge fannen. D’Aktivitéite fërderen d’Fantasie, d’Feinmotorik, d’Wouernehmung an den eegene kreativen Ausdrock. Gläichzäiteg léieren d’Kanner d’Naturmaterialien an hir Ëmwelt bewosst a respektvoll kennen.
D’Inhalter ginn dem Alter, dem Entwécklungsstand an de Besoine vun der Klass ugepasst a kënnen individuell un d’Themen oder Projeten aus dem Schoulalldag ugeknäppt ginn.
Zilgrupp: Cycle 1–4
Duerchféierung: Mobil duerch ganz Lëtzebuerg
Dauer: variabel (min. 3h) eemoleg oder méi oft
Remarque: kombinéierbar mat aneren Themen
Sangt eise Song!
Dës Offer riicht sech un all Klasse vum C1 – C4 an orientéiert sech um Museksmaterial op applaus.lu. „Sangt eise Song“ besteet aus zwou verschiddenen Interventiounen: Engem Atelier an enger Opnam. Zesumme mat Applaus sicht all d’Klass sech ee Lidd vun applaus.lu eraus a léiert dëst individuell kennen. D’Ekipp vun Applaus kënnt dann an d’Klass mat engem Museksatelier ronderem dat gewieltent Lidd. Nodeems d’Klass weider Zäit kritt fir un hirer performance ze schaffen, kënnt d’Ekipp eng zweete Kéier mat dem néidegen techneschen Ekipment an d’Klass fir eng Opnam. Je no Lidd kann dëst op Gesang beschränkt sinn oder awer och z.B. Instrumentespill oder Bodypercussion beinhalten.
Junior Robot Challenge
Dir schafft am Cycle 2 an hutt Loscht, mat Äre Kanner éischt Schrëtt an d’Robotik an an d‘Kodéierwelt ze woen? Da sidd Dir hei genee richteg, a keng Angscht, Dir braucht och keng Erfarung am Kodéieren ze hunn.
Hautdesdaags ass et essentiel, datt all Schüler d’Méiglechkeet kritt, d’Basiskonzepter vun der Informatik ze verstoen a se ze benotzen, fir Problemer ze léisen. Eng Robotik-Aktivitéit entwéckelt Fäegkeeten am logeschen Denken, Problemléisen, Teamwork a am Beräich vun der Kreativitéit. Et sinn dës interdisziplinär Fäegkeeten, déi och zentral an de Beräicher Mathematik, Naturwëssenschaften, Sproochen, asw. sinn.
Wärend der Challenge entdecken d‘Kanner déi villfälteg Asazberäicher vun engem Roboter, erstellen hiren eegene Roboter am Kader vun enger Upcyclingaktivitéit an erwächen dësen mat Hëllef vun enger eegener analoger Kodéiersprooch zum Liewen.
Mat e bësse Geschéck qualifizéiert Är Klass sech fir déi grouss Finall, wou Är Kanner d’Méiglechkeet gebuede kréien, hire Roboter engem breede Public virzestellen.