Geschicht, Brodéieren a Kreativitéit

Am Kader vun dëser thematescher Visitt mat Atelier entdecken d’Kanner d’Geschicht vum ländleche Liewen un der lëtzebuergescher Musel am 19. a fréien 20. Joerhonnert. Zesumme mat engem Muséeguide entdecken si fir d’éischt d’Sammlunge vum Musée. Duerno geet et an e kreativen Atelier, dee vun enger Mediatrice geleet gëtt. Kreativitéit, kleng historesch Geheimnisser, spannend Geschichten a vill Entdeckunge stinn am Mëttelpunkt vun dësem besonneschen Erliefnes!

No enger Visitt vun ongeféier enger Stonn entdecken d’Kanner am zweeten Deel vun hirem Besuch am Musée dat traditionellt Handwierk vum Brodéieren.

An dësem Broderie-Atelier léieren d’Kanner, mat Nol a Fuedem ëmzegoen, entdecken d’Welt vun de Faarwen a trainéieren dobäi hir Genauegkeet a Feinmotorik. Ënnert der Leedung vun enger Mediatrice gestalten si e personaliséierte Bandana, op deem si hir Initialen oder en dekoratiivt Motiv brodéieren. Dat fäerdegt Wierk dierf duerno mat heem geholl ginn.

Firwat de Besuch net mat engem leckere Miseler Iessen ofronnen?

De Musée « A Possen » bitt zesumme mam Restaurant « Wäistuff Possenhaus » , deen direkt nieft dem Musée läit, en ofwiesslungsräicht Erliefnes. Sou kënnt Dir Äre Besuch bei engem gemittlechen Iessen ausklénge loossen, dat och op de Goût vun de Kanner ofgestëmmt ass.

Méi Informatiounen iwwer d’Menüen an d’Tariffer sinn op Ufro beim Musée am Viraus verfügbar.

Geschicht, Brodéieren a Kreativitéit

No enger Visitt vun ongeféier enger Stonn entdecken d’Kanner am zweeten Deel vun hirem Besuch am Musée dat traditionellt Handwierk vum Brodéieren.

Firwat de Besuch net mat engem leckere Miseler Iessen ofronnen?

Méi Informatiounen iwwer d’Menüen an d’Tariffer sinn op Ufro beim Musée am Viraus verfügbar.

Geschicht, Geometrie a Kreativitéit

No enger Visitt vun ongeféier enger Stonn stellen d’Kanner en traditionellt Spill hier: Tic-Tac-Toe. An dësem Atelier, dee vun enger Mediatrice geleet gëtt, bitzen, molen a spillen d’Kanner. Dobäi experimentéieren si mat verschiddene Materialien, wéi Stoff, Steng a Faarwen, a kënnen hirer Kreativitéit fräie Laf loossen!

Soubal hiert eegent Spill fäerdeg gebitzt, gestalt a bemoolt ass, kréien d’Kanner nach e puer Tipps, fir zu richtegen Tic-Tac-Toe-Championen ze ginn. A keng Suerg: Och wann een net gewënnt, geet keen als Verléierer aus dësem Atelier eraus – jidderee kann säin individuellt Spill mat heem huelen! Dësen ënnerhalenden Atelier invitéiert dozou, Geometrie op eng spilleresch Manéier ze entdecken an dobäi der eegener Kreativitéit fräie Laf ze loossen.

Firwat de Besuch net mat engem leckere Miseler Iessen ofronnen?

Méi Informatiounen iwwer d’Menüen an d’Tariffer sinn op Ufro beim Musée am Viraus verfügbar.

Geschicht, Strécken a Kreativitéit

No enger Visitt vun ongeféier enger Stonn entdecken d’Kanner am zweeten Deel vun hirem Besuch am Musée dat traditionellt Handwierk vum Strécken. Mat Hëllef vun enger Stréckliesel a Woll gestalten d’Kanner ënnert der Leedung vun enger Mediatrice e klengt Erënnerungsstéck a Form vun engem Bracelet. Dësen ënnerhalenden Atelier bitt eng anschaulech Aféierung an dat traditionellt Handwierk vum Strécken!

Firwat de Besuch net mat engem leckere Miseler Iessen ofronnen?

Méi Informatiounen iwwer d’Menüen an d’Tariffer sinn op Ufro beim Musée am Viraus verfügbar.

Geschicht, Bitzen a Kreativitéit

No enger Visitt vun ongeféier enger Stonn entdecken d’Kanner am Kader vun hirem Besuch am Musée en traditionellt Handwierk: d’Bitzen.

An dësem Bitz-Atelier erstellen d’Kanner e Patron, entdecken ënnerschiddlech Materialien a Formen a fërderen dobäi hir Feinmotorik. Ënnert der Leedung vun enger Mediatrice stellen si eng kleng Posch oder en Teddybier hier (jee no Uweisung vum Léierpersonal) an huelen hiert Wierk als Erënnerung un dëst kreatiivt Erliefnes mat heem.

Firwat de Besuch net mat engem leckere Miseler Iessen ofronnen?

Méi Informatiounen iwwer d’Menüen an d’Tariffer sinn op Ufro beim Musée am Viraus verfügbar.

Vun der Planz zum Objet

Bei dëser thematescher Visitt mat Atelier, entdecken d’Kanner, wéi aus Planze verschidde Géigestänn hiergestallt goufen. Am Mëttelpunkt stinn zwee Beispiller: d’Wiewe mat Fluess an Hanf souwéi d’Kuerfflechten mat Stréi a Weiderutten.

Begleet vun engem Muséeguide, entdecken d’Kanner op eng altersgerecht Aart a Weis d’Sammlunge vum Musée. Briech, Haaspel, Weidebeil – Begrëffer an Handwierksgeschier, déi haut bal net méi bekannt sinn. De Schwéierpunkt läit dorop ze weisen, wéi d’Planze mat dësem Geschier zu nëtzleche Géigestänn verschafft goufen a wéi eng Fäegkeeten zum ländlechen Alldag un der lëtzebuergescher Musel am 19. Joerhonnert gehéiert hunn.

Am zweeten Deel vun dëser Visitt mat Atelier probéieren d’Kanner wärend ongeféier enger Stonn dat traditionellt Handwierk vum Wiewe selwer aus. Mat enger klenger Wiewrumm an ënner der Uleedung vun enger Mediatrice, kënnen si hirer Kreativitéit fräie Laf loossen.

Firwat de Besuch net mat engem leckere Miseler Iessen ofronnen?

Méi Informatiounen iwwer d’Menüen an d’Tariffer sinn op Ufro beim Musée am Viraus verfügbar.

Am Kleederschaf vun eise Virfaren

Am éischten Deel vun dëser Visitt mat Atelier entdecken d’Kanner, begleet vun engem Muséeguide de Musée a seng Sammlungen. De Schwéierpunkt läit op der Geschicht an der Entwécklung vu Stoffer a Kleedung am 19. a fréien 20. Joerhonnert. Alldagskleedung, Naturmaterialien an d’Geschicht vum Handwierk stinn dobäi am Mëttelpunkt.

An den Ateliere vum Schneider a vum Schouster hunn d’Kanner d’Geleeënheet, d’Aarbechtsweisen an d’Geschier vun dëse Beruffer méi genee kennenzeléieren a méi iwwer hir Bedeitung am deemolegen Alldag gewuer ze ginn.

Fir ganz an d’Welt vun der Kleedung aus fréieren Zäiten anzedauchen, hunn déi jonk Visiteuren d’Méiglechkeet, historesch Kleeder unzeprobéieren an sech an den historesche Beräicher vum Musée fotograféieren ze loossen.

Am zweeten Deel vun der Féierung mat Atelier gestalten d’Kanner duerno e Kader aus Woll an Holz, an deen si hir Foto placéiere kënnen. Wärend dem Atelier ginn si vun enger Mediatrice begleet a sammelen esou vill wäertvoll Erënnerungen, déi si zesumme mat neiem historesche Wësse mat heem huelen.

Firwat de Besuch net mat engem leckere Miseler Iessen ofronnen?

Méi Informatiounen iwwer d’Menüen an d’Tariffer sinn op Ufro beim Musée am Viraus verfügbar.

Marguerite, eng Léierin an den 1920er Joren

Mat dem pedagogesche Koffer reesen d’Kanner zréck an d’Zäit an entdecken den Alldag vun enger Léierin ëm 1925. De Rondgang ass als spillerescht Abenteuer mat Rätselen opgebaut a follegt der Geschicht vum Marguerite Schmit, enger fiktiver Figur, déi op historesche Recherchë baséiert. Esou kréien d’Kanner e liewegen Abléck an d’Schoul an d’Gesellschaft vun där Zäit.

Dës spilleresch a léierräich Zäitrees huet verschidden Ziler:

En Abléck an d’Beruffsliewe vun enger Léierin um Ufank vum 20. Joerhonnert ginn
D’Entwécklung vun der Schoul an der Roll vun der Fra am Laf vun der Zäit weisen
Zum kriteschen Nodenken iwwer d’Positioun an d’Bild vun der Fra an der Gesellschaft ureegen

D’Kanner begleeden d’Marguerite bei hirer Aarbecht a léisen dobäi verschidden Aufgaben. All Fach vum pedagogesche Koffer ass engem bestëmmten Thema gewidmet an enthält Rätselen zu Objeten aus dem Musée. Dës Objeten invitéieren dozou, genau ze kucken, ze diskutéieren an nozedenken. All richteg geléisten Aufgab erméiglecht e weidere Schrëtt am Spill an d’Sammele vun enger Ziffer fir e geheime Code. Um Enn vum Parcours mécht dëse Code eng Schatzkëscht op – déi verdéngte Belounung fir déi gemeinsam Efforten!

De Besuch am Musée gëtt duerch e prakteschen Atelier ergänzt, an deem d’Kanner léieren, Sütterlin, eng al däitsch Handschrëft, ze schreiwen. Mat Fieder an Tënt léieren si dës usprochsvoll Schrëft kennen, déi d’Feinmotorik, d’Gedold an d’Ae fir den Detail fërdert. Als Erënnerung gestalt all Kand eng personaliséiert Gléckwonschkaart am Sütterlin – en eenzegaartegen Objet fir ze behalen oder ze verschenken.

Duerch dësen originellen Usaz entdecken d’Kanner d’Schoul vun deemools a kënnen dobäi Bezich zu hirem eegenen Alldag hierstellen. De pedagogesche Koffer an den ergänzenden Atelier bidden en eenzegaartegt pädagogescht Erliefnes, dat Geschicht, Spill, Reflexioun a Kreativitéit matenee verbënnt.

Firwat de Besuch net mat engem leckere Miseler Iessen ofronnen?

Méi Informatiounen iwwer d’Menüen an d’Tariffer sinn op Ufro beim Musée am Viraus verfügbar.

Un den Dësch vun eise Virfaren!

Bei dëser thematescher Féierung mat Atelier entdecken d’Kanner, wat ländlech Familljen un der Lëtzebuerger Musel am 19. an am fréien 20. Joerhonnert giess hunn a wéi si hir Liewensmëttel zoubereet hunn – mat engem besonnesche Schwéierpunkt op der Mëllech-produktioun an der Botterhierstellung. Um Beispill vum Botter entdecken d’Kanner e wichtegen Aspekt vun der ländlecher Geschicht vun der Musel.

A Begleedung vun engem Muséeguide entdecken d’Kanner fir d’éischt d’Sammlunge vum Musée op eng altersgerecht Aart a Weis. Dobäi läit de Schwéierpunkt op de Liewensmëttel, déi deemools konsuméiert goufen, a besonnesch op der Mëllechveraarbechtung an hirer Entwécklung. D’Geheimnisser vum Botterschloen, vun der Kéisproduktioun an dem Konsum vu Mëllechproduiten an der Vergaangenheet ginn de jonke Visiteuren op eng konkret an erliefbar Aart a Weis vermëttelt!

No der Féierung huelen d’Kanner un engem spillereschen Atelier deel, dee vun enger Mediatrice geleet gëtt. Dobäi léieren si déi traditionell Hierstellung vu Botter mat engem Botterfaass kennen. Eng kleng Form steet zur Verfügung, fir dem Botter eng originell Form ze ginn – de fäerdege Botter däerfen d’Kanner mat heem huelen (bréngt w.e.g. onbedéngt eng kleng Killtäsch fir d’Opbewahrung mat).

Dës praktesch an ënnerhalsam Aktivitéit erméiglecht de Kanner, al Techniken auszeprobéieren an d’Veraarbechtung vu Materialien ewéi och den Alldag vu fréieren Zäite besser ze verstoen.

Firwat de Besuch net mat engem leckere Miseler Iessen ofronnen?

Méi Informatiounen iwwer d’Menüen an d’Tariffer sinn op Ufro beim Musée am Viraus verfügbar.

D’Welt vun den Timberen entdecken

D’Timbere sinn Alldagsobjeten, déi Kommunikatioun, Geschicht a Kultur a mat kënschtlerescher Kreatioun kombinéieren.

Duerch hir villfälteg Illustratiounen erzielen d’Timbere Geschichten a setze Plazen, Leit, Déieren a wichteg Eventer an de Fokus. Gläichzäiteg dénge si och als Inspiratiounsquell fir kënschtleresch a kreativ Aktivitéiten.

Dësen edukative Workshop erlaabt de Schüler, d’Welt vun den Timberen ze entdecken. Si kréien erkläert, wéini a wéi een en Timber benotzt, wéi en Timber entsteet an hirgestallt gëtt, a se ginn och méi iwwert d’Villfalt vun den Timbere gewuer.

Hast du Zeit? …Zeit?

Ja, Zeit für eine Reise in die Vergangenheit. Was verbirgt sich eigentlich hinter dem Wort „Vergangenheit“? Schlüpft in die Rolle des Archäologen und entdeckt dabei nicht nur das Konzept der Zeit, sondern auch die Lebewesen, die bis heute Groß und Klein begeistern: die Dinosaurier!

Jeder angeführte Workshop im Zeitstrahl (siehe Datei) kann einzeln oder in Kombination gebucht werden. Die angeführten Workshops sind für Zyklus 1 bis 3 vorgesehen und werden an den jeweiligen Klassengrad angepasst.