Eng Klass ass méi wéi ee Grupp vu Schüler – si ass eng Gemeinschaft, déi sech entwéckele muss. Dëse Workshop ënnerstëtzt Schoulklassen dobäi, sech besser kennenzeléieren, Vertrauen opzebauen an e positiivt Mateneen ze gestalten.

Duerch kooperativ Spiller, gemeinsam Erausfuerderungen a praxisorientéiert Gruppenaufgabe ginn d’Schüler dozou ugereegt, zesummen ze kommunizéieren, Verantwortung ze iwwerhuelen, sech géigesäiteg z’ënnerstëtzen a gemeinsam Léisungen ze fannen. Dobäi stinn net Konkurrenz oder Leeschtung am Mëttelpunkt, mee d’Zesummenaarbecht an d’Erfarung, als Klass gemeinsam eppes erreechen ze kënnen.

De Workshop fërdert sozial Kompetenze wéi Kommunikatioun, Empathie, Vertrauen, Kooperatioun a respektvollen Ëmgang mateneen. D’Inhalter ginn un den Alter, d’Gruppendynamik an déi aktuell Besoine vun der Klass ugepasst a kënnen esouwuel bei der Nei-Zesummesetzung vun enger Klass wéi och zur Stäerkung vun enger bestoender Klass agesat ginn.

Zilgrupp: Schoulklassen aus der Grondschoul (ab C3) an dem Secondaire

Duerchféierung: Mobil duerch ganz Lëtzebuerg
Dauer: Variabel, mindestens 3 Stonnen; eemoleg oder als Serie vu méi Atelieren
Remarque: D’Inhalter kënnen individuell un d’Situatioun an d’Besoine vun der Klass ugepasst ginn.