articuler clairement et utiliser une intonation appropriée pour marquer les intentions de communication

Virliesconcours

De Virliesconcours riicht sech u Schülerinnen a Schüler aus dem Cycle 4. Et geet drëm, datt d’Kanner en Extrait aus engem Kanner- oder Jugendbuch virliesen. E fängt an der Klass un an hält Joer mat enger nationaler Finall op.

D’Kanner siche sech 2 Sproochen eraus, an deene si gär virliesen:

eng éischt Sprooch (Däitsch, Franséisch oder Lëtzebuergesch), déi d’Kand als seng stäerkste Virliessprooch ugesäit;
eng zweet Sprooch (Däitsch, Franséisch, Lëtzebuergesch oder Englesch), an där d’Kand och gär virliest.

Englesch kann net als éischt Sprooch genannt ginn, well et net iwwerall an der Grondschoul eng Schoulsprooch ass.

An der Broschür zum Virliesconcours fënnt een de geneen Detail zum Oflaf vum Concours. Ab Enn September kann een se hei Site eroflueden.

Umeldung vun der Schoulgewënnerin oder dem Schoulgewënner duerch den Enseignant respektiv de Schoulbibliothecaire ass bis spéitstens den 5. Februar 2027 méiglech. Zousätzlech Erklärunge zur Aschreiwung fënnt een an der Brochür oder hei ënnen bei de Konditiounen.

E Réckbléck op de leschte Virliesconcours gëtt et hei.

D’Kanner siche sech 2 Sproochen eraus, an deene si gär virliesen:

eng éischt Sprooch (Däitsch, Franséisch oder Lëtzebuergesch), déi d’Kand als seng stäerkste Virliessprooch ugesäit;
eng zweet Sprooch (Däitsch, Franséisch, Lëtzebuergesch oder Englesch), an där d’Kand och gär virliest.

Englesch kann net als éischt Sprooch genannt ginn, well et net iwwerall an der Grondschoul eng Schoulsprooch ass.

An der Broschür zum Virliesconcours fënnt een de geneen Detail zum Oflaf vum Concours. Ab Enn September kann een se hei Site eroflueden.

E Réckbléck op de leschte Virliesconcours gëtt et hei.

„Wierder déi beweegen“ ass e spillereschen an interaktive Liesatelier fir Kanner tëscht 8 an 12 Joer, bei deem d’Liesen net nëmmen am Kapp, mee am ganze Kierper geschitt.

D’Kanner tauchen an Geschichten an, erliewen Texter mat Beweegung, Stëmm, Rollespill an Emotioun an entwéckelen dobäi net just hir Lieskompetenz, mee och hiert Selbstvertrauen, hir Kreativitéit an hir sozial Fäegkeeten.

An dësem Atelier gëtt gelies, interpretéiert, gespillt an ausprobéiert:

– Texter ginn erlieft an net nëmme gelies

– Gefiller a Rolle ginn ausgedréckt duerch Beweegung a Stëmm

– Zesummenaarbecht gëtt gestäerkt duerch kleng Gruppenaktivitéiten

– Verstoe gëtt verdéift duerch kreativ Aufgaben a Reflexioun

D’Kanner ginn aktiv an d’Geschicht eragezunn: si stelle Zeenen , spillen Figuren a verbannen dat wat si gelies hu mat hirem eegene Liewen.

Ziler vum Atelier

– D’Freed un der Liesung erwächen a stäerken

– Liesverständnis verbesseren

– Emotional Kompetenzen (Empathie, Gefillsausdrock) entwéckelen

– Kierperlech Ausdrocksfäegkeet a Kreativitéit fërderen

– Selbstsécherheet am Ëmgang mat Sprooch ausbauen

Firwat matmaachen?

Dësen Atelier bitt dem Léierpersonal eng innovativ a praktesch Approche fir d’Liesen an hir Klass ze integréieren, lieweg, spilleresch an awer fuerdernd.

D’Kanner ginn net nëmme Lieserinnen a Lieser, mee Geschichtenerzieler, Acteuren an Entdecker.